Winga mpya wa Real Madrid Gareth Bale alianza maisha yake ndani ya klabu hiyo kwa goli katika mchezo wake wa kwanza tangu aliponunuliwa kwa ada ya uhamisho iliyovunja rekodi .
Gareth alifunga moja kati ya mabao mawili ya Madrid wakati timu hiyo ilipotoka sare ya mabao mawili kwa mawili na Villareal .
Bao lingine la Madrid lilifungwa na Cristiano Ronaldo huku Villareal wakifunga kupitia kwa Giovani Dos Santos na Cani .
Wapinzani wa Real kwenye mbio za ubingwa wa Hispania Fc Barcelona ambao pia ni mabingwa watetezi walipata ushindi wa tabu katika mchezo wao dhidi ya Fc Sevilla .
Barca walishinda kwa mabao matatu kwa mawili wafungaji wakiwa Dani Alves , Lionel Messi na Alexis Sanchez huku Coke na Ivan Rakitic wakiwafunga mabao ya Sevilla .
Katika mchezo mwingine Atletico Madrid walipata ushindi wao wan ne kwa msimu huu baada ya kuwafunga Almeria kwa mabao manne kwa mawili .
Ushindi huo unawafanya Atletico Madrid kuwa kileleni mwa ligi ya Hispania kama Barcelona wakiwa na rekodi za kufanana kwenye pointi , mabao ya kufunga na kufungwa.
Machapisho
Hakuna maoni:
Chapisha Maoni